दैलेख ।फागुन २१ गते हुने प्रतिनिधि सभा निर्वाचनका लागि दैलेख क्षेत्र नम्बर २ मा नेकपा एमालेबाट युवा नेता विष्णु रिजाल र लक्ष्मीप्रसाद पोखरेलको नाम सिफारिस भएको छ । शनिबार जम्बुकाँधमा भएको उम्मेदवार छनोटको चुनावी प्रतिस्पर्धामा रिजाल र पोखरेलको नाम सिफारिस भएको हो ।
आकाङ्क्षीहरूबिच भएको निर्वाचनमा विष्णु रिजालले ६७ मत प्राप्त गर्नुभएको हो । उहाँ एमालेको केन्द्रीय सदस्य तथा चर्चित युवा नेता हुनुहुन्छ ।
यस्तै चुनावी प्रतिस्पर्धामा लक्ष्मीप्रसाद पोखरेलले ६६, राजबहादुर शाहीले ६१ र राजबहादुर बुढाले ५० मत प्राप्त गर्नुभएको थियो । रिजालसँगै अर्का पूर्वसांसद लक्ष्मी पोखरेल, राजबहादुर शाही र पूर्व सांसद राजबहादुर बुढाले गर्नुभएको थियो ।
प्रकाशित मिति : २०८२ पुस २० गते आइतबार
