जुम्ला । जुम्लामा प्रतिनिधिसभा निर्वाचनका लागि मत पत्र आईपुगेको छ । मुख्य निर्वाचन अधिकृतको कार्यालय जुम्लाले मतपत्र पुगेको जानकारी गरेको हो ।
मुख्य निर्वाचन अधिकृतको कार्यालयका सहायक निर्वाचन अधिकृत हरिकृष्ण तिमिल्सेनाका अनुसार जुम्लाका लागि प्रत्यक्ष तर्फको ७७ हजार र समानुपातिकको ८० हजार मतपत्र आईतवार जुम्ला आईपुगेको छ । उहाँकाअनुसार सो मतपत्र पेटीमा आएकाले मिलाउन बाँकी रहेको छ ।
फागुन २१ गते हुने निर्वाचनका लागि जुम्लाको मतदाता संख्या ७१ हजार सात सय ३९ रहेको छ । मतदाता भन्दा बढि प्राय गरि १० प्रतिशत मत बढि पठाईने गरिएकाले मतदाता भन्दा केही मत बढि आएको मुख्य निर्वाचन अधिकृतको कार्यालयले जानकारी दिएको छ ।
कार्यालयले निर्वाचनका लागि दुईवटा अस्थायी मतदान केन्द्र बाहेक १०८ वटा मतदान केन्द्रमा ६४८ जना कर्मचारी खटाईसकेको छ ।
प्रकाशित मिति : २०८२ फागुन ५ गते मंगलबार
