काठमाण्डौ — निर्वाचन आयोगले समानुपातिक निर्वाचन प्रणालीतर्फ कानुनअनुसार तोकिएको ‘क्लष्टर’ बमोजिम निर्वाचित १ सय १० सांसदको सूची सार्वजनिक गरेको छ । सार्वजनिक सूचीअनुसार राष्ट्रिय स्वतन्त्र पार्टी रास्वपाबाट समानुपातिक निर्वाचन प्रणालीतर्फ ५७ सांसद निर्वाचित भएका छन् ।
यसैगरी नेपाली कांग्रेसबाट २०, नेपाल एमालेबाट १६, नेपाली कम्युनिष्ट पार्टी नेकपाबाट नौ, श्रम संस्कृति पार्टी र राप्रपाबाट चाररचार जना सांसद निर्वाचित भएको आयोगले निकालेको विज्ञप्तिमा उल्लेख छ ।राजनीतिक दलकोतर्फबाट छनोट भई पेस भएका उम्मेदवारको विवरण आयोगले सार्वजनिक गर्दै निर्वाचित भएको घोषणा गरेको हो ।
आयोगले पर्सि बिहीबार समानुपातिक निर्वाचन प्रणालीबाट निर्वाचित भएका उम्मेदवारलाई प्रमाणपत्र वितरण गर्ने तयारी गरेको छ । कुल २ सय ७५ सदस्यीय प्रतिनिधिसभामा प्रत्यक्ष निर्वाचन प्रणालीमार्फत १ सय ६५ र समानुपातिक निर्वाचन प्रणालीमार्फत १ सय १० जना निर्वाचित हुने व्यवस्था छ ।
