काठमाण्डौ ।दक्षिण अफ्रिकाले चौथो टी–२० अन्तर्राष्ट्रिय क्रिकेटमा घरेलु टोली न्युजिल्यान्डलाई १९ रनले हराएको छ ।
दक्षिण अफ्रिकाले दिएको १६५ रनको लक्ष्य पछ्याएको न्युजिल्यान्डले १८ ओभर ५ बलमा सबै विकेट गुमाएर १४५ रनमात्र बनाउन सक्यो । न्युजिल्यान्डका टिम रोबिनसनले ३२, डेन क्लिभरले २६ रन बनाए । दक्षिण अफ्रिकाका गेराल्ड कोट्जेले ३ विकेट लिए ।
यसअघि वेलिङ्गटनमा टस जितेर ब्याटिङ गरेको दक्षिण अफ्रिकाले २० ओभरमा ५ विकेट गुमाएर १६४ रन बनायो । दक्षिण अफ्रिकाका कोनर एस्टरहुइजेनले ५७ रन बनाए । न्युजिल्यान्डका काइल जेमिसनले २ विकेट लिए ।
यो जीतसँगै दक्षिण अफ्रिकाले पाँच खेलको टी–२० शृङ्खलामा २–२ को बराबरी गरेको छ । पहिलो खेल दक्षिण अफ्रिकाले जितेको थियो भने दोस्रो र तेस्रो खेल न्युजिल्यान्डले जितेको थियो । शृङ्खलाको पाँचौँ तथा निर्णायक खेल आउँदो बुधवार क्रिस्टचर्चमा हुनेछ ।
