दैलेख । दैलेखमा पछिल्लो समयमा बालबालिकालाई लक्षित ‘स्वर्णविन्दु प्राशन’ कार्यक्रमप्रति अभिभावकको विश्वास निरन्तर बढ्दै गएको छ । जिल्ला आयुर्वेद स्वास्थ्य केन्द्र दैलेखले प्रत्येक महिना बालबालिकालाई निःशुल्क स्वर्णविन्दु प्राशन गराउँदै आएको कार्यक्रमप्रति अभिभावकको विश्वास निरन्तर बढ्दै गएको हो । जिल्लामा आयुर्वेद तथा वैकल्पिक चिकित्सा विभाग, काठमाडौं तथा कर्णाली प्रदेशको सामाजिक विकास मन्त्रालयको वार्षिक कार्यक्रमअन्तर्गत सञ्चालन भइरहेको यस कार्यक्रममा सहभागी संख्या क्रमशः बढ्दै गएको कार्यालयका प्रमुख डा। यादव प्रसाद उपाध्यायले बताउनुभयो ।कार्यक्रमको पहिलो चरणमा करिब १हजार६३ सय बालबालिकालाई प्राशन गराइएको उहाँले बताउनुभयो ।
पछिल्ला दोस्रो चरणहरूमा नयाँ बालबालिका थपिँदै सहभागी संख्या करिब ९सय१३ हजार तेस्रो चरणमा ८सय ४७जना वैशाख १० गते सम्पन्न चौथो चरणमा ८ सय ५३ जना बालबालिकालाई स्वर्णविन्दु प्राशन गराइएको उहाँले जानकारी दिनुभयो। कार्यालय प्रमुख उपाध्यायका अनुसार यस अभियानले दैलेखका हजारौँ बालबालिकालाई प्रत्यक्ष लाभ पु¥याउने र आयुर्वेदिक उपचारप्रति जनविश्वास अझ मजबुत बनाउने अपेक्षा गरिएको छ ।आयुर्वेदमा स्वर्णविन्दु प्राशनलाई बालबालिकाको रोग प्रतिरोधात्मक क्षमता बढाउने, स्मरण शक्ति तीक्ष्ण बनाउने तथा शारीरिक र मानसिक विकासमा सहयोग गर्ने महत्वपूर्ण विधिका रूपमा लिइन्छ ।
यस्तै नारायण नगरपालिका –६का स्थानिय सुस्बीना रोकामगर पछिल्लो समय कार्यक्रमप्रति विश्वास बढ्दै गएको बताए। “यसले बालबालिकाको प्रतिरक्षा प्रणाली सुधार गर्नुका साथै बुद्धि विकास, स्मरण शक्ति वृद्धि र पाचन शक्ति सुधार गर्न सहयोग गर्छ,” उहाँले भन्नुभयो । बालबालिकाको उमेरअनुसार दुईदेखि पाँच थोपा खुवाइने यस प्राशनमा प्रयोग हुने ब्राह्मी जडीबुटीले मानसिक विकासमा सकारात्मक प्रभाव पार्ने विश्वास गरिएको छ । आर्थिक वर्षदेखि सुरु भएको यो कार्यक्रम कर्णाली प्रदेशका सुर्खेत, दैलेख र जुम्ला जिल्लामा सञ्चालनमा रहेको छ । दैलेख जिल्लामा स्वर्णविन्दु प्राशन कार्यक्रम हेरेक महिनामा सञ्चालन गरिने जनाइएको छ ।
